بوم ز بوس اشنی بی و سی ایما تعریف اکرد .
گود : سال کلینه بی وهیچی گیر نی اوی سی خردن و هرکی ایر هم هر چی داشت زفتس ایکرد سی روز تنگ .
ایما هم که وض درستی نداشتیم یه حر پیره و چنتا مرغ و چنتا تیل به دینسون و یه خوروس پیره که بی موعد خوساخوس ایخوند .
همه مال جما بیدن طی بوم بس گودن توکه ملائی و دونی نماز بخونی . بیو شروع
بکن به نماز خوندن بلاکوم ز دست ای بلا آسمونی خلاص اویدیم .
بوم گو :
بوم به اسرار مردوم شرو کرد به نماز خوندن .
آقا که تو بوی سر یه هفته زینس رحمت خدا ایره . هفته بعدسم درد ایوفته منه مرغ و تیلون همنه درد ازنه اکشه .
ملا ز دست بدی روزگار و زدست دادنه زینه و مرغو تیلون داشت طی خوس حساو کتاو اکرد که یه دفه نر حر پیره شرو کنه به زارنیدن .
یه دفه باوام ری کنه به حر اگو : نفسته بور آلبرده نجست . به ارواح پدروم تازه یه دو رکت هم خرج تو کنوم ..
چندی بد بختی کشیددیم
ز اوسوکه یادومه هی فقیر بیدیم و سرو وز درستی نداشتوم .
وا هف هش سر آیله بوم چپونی اکرد سی گله دارون و چی بخورو نمیری داشتیم سی خردن .
گا تفاقی هم که یه گوسندی یا یه بزی بزوئید یه توک شیرنه دام ایدوخت .
فقیر نونست بدس به ایما بخوریمس ؟ یه تی چیطه بزنه بس ، بکردس ماست ؟
بکردس وا دوو با مشک کرسه بگره ؟ خلاصه منه کار ای یه توک شیر منده بی که چه ورس کنه ؟
خیلی هم دلوم اسوسیس >
گاتفاقی هم اگریوستوم که سیچه گلال ماشی پیکاب داره و بوم چپونی کنه ؟
دم پسین که ابی بچیل بنگ اکردم همه ن جم ابیدن و تمرین رانندای کردوم
همنه سوار یه لاستیک کردوم و اکشیدمسون منه سرازیری دره چه تاریکه .
تا یه روز یه پیکابی بستونم و منه خط بازوفت به سِرا دانشگا میسلیمون مستافر کشی بکنوم .
یادس بخیر همو سو /
راستیاتس الان هم ز بازوفت به سرا دانشکاه در رفتو آمدوم اما نه با پیکاب و نه به قصد رقابت با گلال /
هفته ای سه روز اروم دانشگاه بقیه سم منه دفتر مخابرات ..... کار اکنوم .