{ دا _ مادر }

دا مو تونی ، رودومی و ستینوم
چی دم صحو ، برچ ایزنی وجودوم

رود تیام چندی کشی تو زحمت
یه دم نشین وا مو بکون تو صحبت

ز وختیکه یادومه نی نشینی
یه دم درآ گل ، یه دمون بشینی

چندی بروفی و بساهی ظرفه
چندی بشوری ای همه لواسه

جون چه داری یه دمون جا بگر
کار همیشه هد یه کم سا بگر

چندی پزی نون ، شرشنی آرده
چندی پزی چاسو ، شمو تماته

خدا تونه هِشته کشی مرارت ؟
صحو و پسینو دم شوو یه حالت؟

رفت روو هوشه به ای درازی
زیدن دوو ، پُهدن اوو پیازی

شیره ادوشیو پزیس به چاله
زنیس به یک دِر اخوره ملاقه

دی ازنت بوو تکه دی ورا زت
عرش خدا بهشت او برازنت

اِنی بکول هیونه هرچی تری
بمال و کهه زجاهلی بهتری

جون اگروم زنگ صداته یشوم
چی تش تُنگ گرُاگروم بلازوم

پیرابوئی و هنی کار ایکنی
مالنه وا خوت تک وتا ایکنی

زبیدنت یه مالی سر فرازه
پیروجون دوهدرو کر اینازه

زرهدنت چندی غمونو زردوم
آه ایورارم و به کهُه ایگردوم
..............................
تقدیم ب تمام دایل زحمتکش ؛ که یه دم ب گِل ساز نیارن ؛
دست بوس همه دایل "
" خدابیل "