{ متلهای خدابیل : ای دا ، نم چه خردوم } قسمت سوم ..

صحوو زی دم صَبق که گوسندون ارهدن به کهه مو هم ساک و چیانه ورداشتوم ز سر کهدون ویدوم به لم رهدوم حونه ، اَنکه تازه ز شهر رسیدوم ..
دیدوم دام دستاس به هویرن وو داره هویره شرشنه ..
تا دیدوم گردنومه بوسی گو: دا کیه بیدی ، همه امشو ز فرگت چُرط نکردوم ..
ار بدونی دیشو چه چرشتی وست بمال ، تا صحو هیشکی چُرط نکرد ..
نم ملاکه بی ، نم زخمون بهترون بی اخواست گشاسه وا خوس بره ، جغله هم واس درگیر ابوو یه دو چوو هم ملاکنه زنه .. زورس که به کر نرهد ، جقلنه بی هوش اکنه .. تا خواست جقلنه وا خوس بوره ، رسیدن ز غپس کردنس به در ...
گدوم : بازم خدانه شورک که گشتاس پهلونه ز دست ندادیم ..
او روز منه مال همس صحبت ز جنگ گشتاس بی با آژدهای هفت سر ..
دم غروپ دیدوم گشتاس گلنه اورد بمال ، ادونستوم کینه اِخو و هر شوو بعد شُوم خردن اِره پشت پنجره با گل بارون دودر کچیس تعریف اکه ..
منه تاریکی بکمینس بیدوم تا ز حونه زی به در ..
مو هم تروکستوم ز دینس .. وختی رسید ، گل بارون به انتظارس بی ..
تا همدینه دیدن شرو کردن به بوسیدن هم 18+ ..
مو هم رهدوم سر طوو بالا سرسون تا بفهموم چه تل دروهائی سی گل بارون اکنه ..چنون گرم بوسیدن هم بیدن که اصلا حواصس به بالا سرس نبی ..
بعد یوکه ز بوسه بازی سیر اویدن .. هر چه دلس خواست تل دروو کرد .. که چه کردوم و چه نکردوم ...
طی خوم گدوم : دردوم بوره بنات ..تازه یه دردی بت بزنوم که ره خوته گم بکنی ..
نقاوو کردوم منه سروم ، چراغ لیت هم گرنیدوم منه ری خوم ..
منه تاریکی تا لیته روشن کردوم ، گشتاس نیشت بالا سرس ، ملاکه کافر دید ،
فقط خوم ادونم چه بروزس ره ..
عینا بید شرو کرد به دک زیدن وو زونس قلف اووی ،
گلبارون که نونست جریان چنه ، بس گوو : جغله پ چطه ؟ پ سیچه پته پته وست بت ، چه سر طوه ؟؟
جغله هم ز مزگ سر شرو کرد به غارنیدن وو پسا پس اره ایوفته منه چهه مستراب ، دودرم شرو کنه به لیک و لاک کردن ..
مو هم جستوم پائین و رهدوم طرف حوش خمون ..